Ede Staal

Ze woonden soamen in ‘n hoeske
Zai was wat stief van reumetiek
Toch konden de zok hail nuver redden
In ‘t lutje hoeske achter diek

De kinder waren al laank de deur oet
Toch kwamen ze voak nog op ‘t ol stee
En mainstied hadden ze ‘t over vrouger
Din wizzen z’apmoal wat e zee

refr.:
‘t Het nog nooit, nog nooit zo donker west
Of ‘t wer altied wel weer licht

Zes hounder en ‘n olde sege
‘n Swientje op ‘t hok en ‘n kaampke laand
En twijmoal doags even over ‘t loantje
En din huil opoe hom bie d’haand

Zien haile leven haar e aarbaid
En moeke mit acht kiender thoes
Bie zummerdag hail vroug aan’t maaien
En pas om melkenstied bie hoes

Toun op ‘n zundag in december
Krigt opa ‘t zomor zo benauwd
Zien dochter brengt hom din noar stad tou
Omdat ze t’aiglieks nait vertraauwt

En anderdoags is e overleden
‘t Het mie veur ‘t olske zo begroot
Meschain was ‘t beter andersom west
Want drij week loater was ze dood

De dood dat heb je nait veur ‘t zeggen
Want baaide wollen ze geern geliek
Ze rusten zacht doar op ‘t kerkhof
Vlak bie ‘t hoeske achter diek

Freek de Jonge en de Groningers

Aardbevingen, veroorzaakt door gaswinning, hebben het leefklimaat in de provincie Groningen voor een groot deel verwoest. Schadeafhandeling stuit op spanning tussen rechtvaardig en rechtmatig. Woningen en gebouwen zijn onveilig. Gedupeerden voelen zich vaak ‘gevangen in een onveilige gevangenis’. Op 21 februari 2017 voerde Freek actie, voor en met de Groningers op de melodie van Ede Staal’s “‘t Het nog nooit zo donker west”.

Opgesteld: 1 januari 2023